Danişîna doza hevseroka HDP’ê ya berê Fîgen Yuksekdag dê sibe li 16’emîn Dadgeha Cezayên Giran a Enqereyê bê dîtin. Ji bo Yuksekdag ji 30 sal heta 83 salan cezayê girtîgehê tê xwestin
Hevseroka Partiya Demokratîk a Gelan (HDP) a berê Fîgen Yuksekdag a girtî tê darizandin û doza ji 7 fezlekeyan a der barê wê de hatibû amadekirin pêk tê, dê sibe li 16’emîn Dadgeha Cezayên Giran a Enqereyê bê dîtin. 12’emîn danişîna doza Yuksekdag dê sibe saet di 10.00’an de dest pê bike.
Fîgen Yuksedag bi îdiayên ‘Rêveberiya rêxistinê kiriye’, ‘Propagandaya rêxistinê kiriye’, ‘Beşdarî civîn û xwepêşandanên li dijî qanûnê bûye’, ‘Gel sewqî kîn û dijminatiyê kiriye’ û ‘Tehrîka sûc kiriye’ tê darizandin. Ji bo Yuksekdag ji 30 sal heta 83 salan cezayê girtîgehê tê xwestin.
Yuksekdag li gel doza sereke, ji 9 dozên din jî tê darizandin. Dozên din ên ku Yuksekdag jê tê darizandin wiha ne: “Dadgeha Cezayên Aslî ya Farqînê, 9’emîn Dadgeha Cezayên Giran a Enqereyê, 2’yemîn Dadgeha Cezayên Eslî ya Stenbolê (Ji ber bêrayetî, li Dadgeha Bilinde), 16’emîn Dadgeha Cezayên Giran a Enqereyê (doza sereke), 9’emîn Dadgeha Cezayên Eslî ya Mêrsînê, 13’emîn Dadgeha Cezayên Eslî ya Amedê, 7’emîn Dadgeha Cezayên Eslî ya Wanê, 10’emîn Dadgeha Cezayên Giran a Amedê û 6’emîn Dadgeha Cezayên Eslî ya Wanê.” ENQERE
