Serdozgeriya Komarê ya Bursayê daxwaza hevdîtinê ya parêzerên Rêberê Gelê Kurd Abdullah Ocalan cara 780’yemîn red kir
Ji parêzerên Rêberê Gelê Kurd Abdullah Ocalan, Newroz Uysal, Mazlum Dînç û Fûat Coşacak, ji bo hevdîtina bi mwekîlê xwe re, cara 780’yan serî li Serdozgeriya Komarê ya Bursayê dan. Serdozgeriyê bersiva serlêdana parêzeran bi hinceta ‘Sînordarkirina ji ber pêwîstiya Qanûna bi hejmara 5275 a Ceza û Tedbîrên Ceza û Ewlehiyê ya der barê girtî û hikûmxwaran de’, serlêdana parêzeran red kir.
Serdozgeriya Komarê ya Bursayê ji 27’ê tîrmeha sala 2011’an heta niha bi hincetên weke ‘muxalefeta hewayê’, ‘xerabûna kosterê’ , ‘Koster di tamîratê de ye’, ‘OHAL’ û ‘Sînordarkirina ji ber pêwîstiya Qanûna bi hejmara 5275 a Ceza û Tedbîrên Ceza û Ewlehiyê ya der barê girtî û hikumxwaran de’ serlêdanan red dike.
Hêjayî bibîrxistinê ye ku çalakiyên greva birçîbûnê yên bêdem û bêdorvege ên ku ji bo rakirina tecrîda girankirî ya li ser Ocalan, bi pêşengiya hevseroka KCD’ê û parlamentera HDP’ê ya Colemêrgê Leyla Guven hatine destpêkirin 64 roj li pey xwe hiştin. BURSA
