Dayika Çekdar Yurek ê cezayê wî qediya bû û nayê berdan Aynilmet Yurek xwest gavek berê gavekê kurê were berdan
Çekdar Yurek li Girtîgeha Jimara 2’yan a Tîpa T a Tekîrdagê tê girtin, ji ber cezayê dîsîplînê lê hat birîn nehat berdan. Yurek di sala 2011’an de bi îdiayên “Endamê rêxistinê ye” û “Madeyên talûke bêdestûr li ser hatiye dîtin û dest daye guhertin” 10 sal û 16 meh cezayê hefsê lê birîn. Divê Yurek di 22’ê nîsana 2019’an de bi şert bihata berdan. Lê bi hênceta cezayê dîsîplînê li Yurek hatiye birîn daxwaza berdana wî di 2’yê gulanê de hat redkirin.
Dayika Çekdar Yurek, Aynilmet Yurek bertek nîşanî neberdana kurê xwe da û bang kir ku divê gavek berê gavekê kurê wê yê nexweşîna zerikê pê re heye were berdan. Yurek da zanîn ku cezayê kurê wê qediyaye û wiha got: “Niha kurê min dîl hatiye girtin. Min ji dozger re got kurê min berdin. Dozger got ku Çekdar li hefsê sûc kiriye û ‘bi terorê’ re girêdana xwe nebiriye. Ez jî dibêjim kurê min ne terorîste. 5 meh in kurê min nayê berdan. Ez van nêzîkatiyan qebûl nakim. Ez kurê xwe dixwazim. Ez serî li her cûre meqamîbidim. Dema Meclîs vebibe ez ê biçim wir jî. Wê lêgerîna mein a edaletê dewam bike.” STENBOL
