Emîne Şenyaşara ke mêrde û di lajê ci hetê merdimanê Wekîlê AKPyî Halîl Îbrahîm Yildizî ra kişîyayî, lajê xo Ferît Şenyaşarî reyde verê Edlîyeyê Riha de çalakîya xo ya roniştişî rê roja 14. de dewam kena.
Dayîke Emîne Şenyaşar ewro wina vat: ”Edalet ho ça de yo?Ez wazena ke qetilkerê domananê mi wa bêrê tepiştene. Heta ke qetilkerî nêrê tepiştene ez do tîya nêterikna. Wa bêrê mi zî bitepişnê. Ez do cuyêka winasêne qet qebul nêkera.”
Keye verê barîyeranê edlîyeyî de xoverdayîşê xo rê dewam keno. RIHA
