Seba ke vengê girewteyanê sîyasîyan ê ke vera tecrîdê serê Ocalanî grevê vêşanîye de yê rê bibê cewab, dayîkê girewteyan rixmê heme zext û zordarîya polîsan zî vernîya Zîndanê Bakirkoyî de çalakîya roniştişî viraşte
Seba ke veng bidê girewteyanê sîyasîyan ê ke vera tecrîdê serê Rayberê Şarê Kurdî Abdullah Ocalanî grevê vêşanîye de yê, dayîkê ke 7 rojî yo vernîya Hepisxaneyê Bakirkoyî de nîşenê ro, rixmê heme zext û zordarîya polîsan ewro zî çalakîya roniştişî viraşte.
Çalakîye de parlamenterê HDPyî Omer Ocalan û Zuleyha Gulume û avûkatî amade bî. Wexto ke dayîkî ver bi hepisxaneyî rayra şîyî, polîsanê Tirkî vernîya înan birnaye. Parlamenter Gulume û Ocalanî reaksîyon da û mabênê parlameteran û Mudirê polîsan reyde munaqeşe wextêk dewam kerd.
Polîsan hetê bînî ra nêverda ke rojnamegerî fotograf û dîmeman bigêrê. Dayîkî nêzdîyê 10 deqayan vernîya hepisxaneyî de roniştî û bado bi sloganan û tilîlîyan ver bi banê Qezaya Şîrînevlerî yê HDPyî rayra şîyî. STENBOL
