Merdimê tepişteyan semedê paştdayîşê domananê xo yê ke greve vêşanîye û rojeyê mergî de yê Gebze de reyna ameyî têhet. Dayîkan ard ziwan ke heta waştişê domananê înan nêrê ca ê do çalakîye de bê
Greve vêşanîye yê ke rayberîya Leyla Guvene de semedê wedartişê tecrîdê serê Rayberê Şarê Kurdî Abdullah Ocalanî dest pêkerî dewam kene. Çalakîya merdimanê tepişteyan a ke vernîya Zîdane Gebze ameye destpêkerdene ewro roja 44’ine de vernîya banê HDPyî yê Gebze de dewam kerde. Keyeyan ke binê ablûqaya polîsan de çalakîya roniştişî viraşte da zanayene ke heta wedartişê tecrîdî çalakîya înan do dewam bikero. STENBOL
