Çalakiya Dayikên Aştiyê ya li benda kontrolê ya Asayîşa PDK’ê ya di navbera Hewlêr û Mexmûrê de 6 roj li pey xwe hiştin. Dayik dibêjin ku heta ku bersiva daxwaza wan a rewa neyê dayîn û ambargo berdewaam bike dê çalakiya xwe bidomînin
Di 17’ê Tîrmeha 2019’an de li restoranta bi navê Hoqabaz a li Hewlêrê berpirsyarê MÎT’ê (Teşkîlata Îstîxbarata Tirk) Osman Kose hat kuştin. Piştî vê bûyerê li ser daxwaza dewleta tirk ji aliyê PDK’ê ve Wargeha Şehît Rustem Cûdî (Mexmûr) careke din bû hedefa êrîşan û dorpêç li ser hat danîn. Ev 51 roj in dorpêç û ambargoya ser Wargeha Mexmûrê berdewam dike.
Dayikên Aştiyê xwestin wek şandeyekê serdana berpirsên Hewlêrê bikin lê dîsa rastî astengiya asayîşa PDK’ê hatin. Dayikên ku li benda kontrolê ya Asayîşa PDK’ê rastî astengiyan hatin ev 6 rojin li wir çalakiya xwe didomînin.
Hêjayî bibîrxistinê ye ku piştî hewildana dagirkeriyê ya dewleta tirk a li ser xaka başûrê Kurdistanê bi hevkariya PDK’ê dijminatiyek kûr û pêkûtiyên dij mirovî û dij exlaqî li ser gelê kurd tê meşandin. PDK her daxwazên dewleta tirk bi cih tîne, cihên herî stratejîk ên ku pêşmere lê bûn radastî leşkerên tirk hat kirin. PDK’ê bi pêşmergeyan parastina leşkerên tirk ên ku dagirkeriyê pêş dixin dike. Bi awayekî koordîneyî bi MÎT’a tirk re dixebite û mînaka herî şênber jî piştî buyera 17’ê tîrmehê bi dehan kurdên ji bakurê Kurdistanê binçavkirin û bi MÎT’ê re ketin lêpirsîna wan û îşkence li welatiyan kirin. Di heman demê de li ser daxwaza dewleta tirk ambargo danî ser Wargeha Mexmûrê. Ji ber vê ambargoyê du zarok di zikê dayika xwe de jiyana xwe ji dest dan. PDK’ê bi ambargoya xwe ya ku 51 roj in didome vê heval bendiya xwe ya bi dewleta tirk re berdewam dike. MEXMÛR
