Dayikên girtiyên di greva birçîbûnê de ji bo balkişandina ser tecrîda girankirî ya li ser Ocalan, bi laçikên spî tev li pîrozbahiya 1’ê Gulanê Cejna Karker û Kedkarên Cîhanê ya li Kadikoyê bûn
Ji bo pîrozbahiya 1’ê Gulanê Cejna Karker û Kedkaren Cîhanê, bi hezaran kes diherikin Bakirkoy a Stenbolê. Ji bo pîrozkirina 1’ê Gulanê, bi hezaran welatî diherikin qadê. Her wiha bi hezaran kes tev li korteja meşê bûn. Gelek sendîkayên di bin banê de DÎSK’ê de li pêşiya Marmara Forûmê hatin ba hev.
Saziyên wekî KESK, TMMOB, HDP û HDK jî li Dîkîlîtaşê hatin ba hev. Ji bo balkişandina ser tecrîda girankirî ya li ser Rêberê Gelê Kurd Abdullah Ocalan, dayikên girtiyên ku ji bo rakirina tecrîda li ser Ocalan di greva birçîbûnê ya bêdem û bêdorveger de ne jî bi laçikên xwe yên spî tev li meşê bûn.
Dayikên girtiyan bi dovîzên ‘Bila tecrîd bi dawî bibe, kes nemire’ û ‘Bijî berxwedana zindanan’ vekirin.
Saziyên wekî TTB û EMEP û gelek saziyên din jî li E-5’ê hatin ba hev. Li ser rêyên meşê, polîsan barîkat danîn û bendên kontrolê ava kirin. Di kortejên meşê de dirûşmên ‘Azadî ji girtiyên siyasî re’ tê qîrin. STENBOL
