Dayikên şehîdên Şoreşa Rojava êrîşên dewleta tirk şermezar kirin û gotin ku dê li hemberî dagirkeriyê têbikoşin. Dayikan diyar kir ku wan rêya xwe hilbijartiye û ew jî dê berxwedana li hemberî faşîzmê be
Dayikên şehîdên Şoreşa Rojava têkildarî êrîşên dagirkeriyê yên dewleta tirk û çeteyên wê yên li dijî rojavayê Kurdistanê axivîn. Dayikan bertek nîşanî dagirkeriyê dan û şermezar kirin.
Der barê mijarê de dayika şehîd Reşîd, Nehle Reşo axivî û êrîşên dewleta tirk şermezar kir. Dayika Nehle anî ziman ku ji bo parastina mafên xwe ku dewleta tirk a dagirker û çeteyên wê hewl dide binpê bike, dudilî nabin û dê her tiştî bikin. Dayika Nehle wiha domand: “Em ê ji bo parastina rûmet û xaka xwe bixebitin. Ger ku li cîhanê mirovatî mabe, bila piştgiriya me bikin. Daxuyaniyên wan ne tiştekî kêm û ne jî zêde dike. Ya girîng pratîk e û em jî dibêjin ku dê berxwedana me bidome.”
‘Ev axa me ye’
Dayika 2 şehîdên azadiyê, Mewlîde Hibo jî bi lêv kir ku wan rêya xwe hilbijartiye û wiha got: “Em ji vê rêyê gavekê paşve naavêjin. Em e bi ser bikevin. Ev axa me ye. Çi dibe bila bibe ji bo parastina wê em amade ne. Têkoşîna me dewam e û dê bidome. Zarokên me li ser vê axê destanên lehengiyê nivîsandin. Ev jî ji bo vê axê bû.”
Bang li hemû pêkhateyan kir
Ji endamên Meclisa Malbatên Şehîdan Qedriyê Heyder jî bi lê kir ku ew piştgiriyê didin zarokên xwe yên YPG û YPJ’ê. Dayika Qedriye bang li hemû pêkhateyên gelê kurd kir ku serî hildin û piştgiriya birayên xwe yên li Bakur û Rojhilatê Sûriyeyê bikin da ku planên dewleta tirk têk biçin. HELEB
