Navenda Nûçeyan
Şîrketa produksiyonê ya wezîra berê ya Karên Derve ya Amerîkayê Hillary Clînton û keça wê Chelsea Clînton, mafên rêzê fîlma televîzyonê ku pirtûkeke jinên YPJ’î yên li Kobanê vedibêje, kirîn. Hat diyarkirin ku şîrketa Produksiyonê ya HîddenLight, mafên bernameya TV’yê yên pirtûka nivîskar Gayle Tzemach Lemon a jinên YPJ’î ku li dijî DAIŞ’ê şer kirine vedibêje ya bi navê “Keçên Kobanê: Çîroka Edalet, Cesaret û Serhildanê” kiriye.
Clîntonê derbarê projeyê de axivî û wiha got: “Tu tişt biqasî pêşkêşkirina çîroka ‘Keçên Kobanê’ ya ji her dera cîhanê re bi kelecantir nîne. Keçên Kobanê, vegotina jinên ku ji bo wekhevî û edaletê şer dikin in.” Clînton di parvekirina xwe ya têkildarî mijarê ya li ser twîtterê de jî ev tişt got: “Ji ber parvekirina çîroka van jinên xweşik ez bi kelecan im.”
Di nûçeya Hollywood Reporter de hat diyarkirin ku pirtûka ku di 16’ê sibatê ji Weşanxaneya Penguîn Pressê derkeve de, xwe dispêrîne hevpeyvînên sedan saetan û nûçeyên agahiyan.
