Berdevka Wezareta Karên Derve ya Rûsyayê Mariya Zaharova û Wezîrê Karên Derve yê Iraqê Fuad Huseyîn têkildarî têkiliyên Tirkiye û Sûriyeyê û nirxandinên serokê AKP’ê Tayyîp Erdogan ên di rojên dawî de daxuyaniyek dan. Zaharova işaret bi gotinên Erdogan kir û diyar kir ku ev gotin kêfa wan aniye û ew bawer dikin ku her du alî gavên pratîkî bavêjin. Zaharova diyar kir ku çareseriya pirsgirêka di navbera Tirkiye û Sûriyeyê de ji bo herêmê xwedî girîngiyeke jiyanî ye û got: “Ji ber vê yekê em bang li hevkarên xwe dikin ku bi her awayî têkiliyan bidomînin.”
Wezîrê Derve yê Iraqê Fuad Husên ku beşdarî Lûtkeya Lîderên Peymana Atlantîka Bakur (NATO) ku li Washingtona paytexta Amerîkayê hat lidarxistin bû û axivî. Husên diyar kir ku Iraq di asayîkirina peywendiyên her du welatan de çalak e. Huseyîn got: “Iraq dixwaze Sûriye û Tirkiyeyê bîne cem hev. Di vê çarçovê de lihevkirina destpêkê ji bo lidarxistina civînekê ya li Bexdayê pêk were hat kirin, lê dîroka civînê diyar nebû. Em ê dîrokê jî diyar bikin.”
