Odeya Bazirganî û Pîşesaziyê ya Amedê (DTSO) bi navê ‘Dengê Raboriyê; Konserên Amîda’ rêze konseran dide destpêkirin. Konser ango ev çalakiyên hunerî li 10 cihên dîrokî tên lidarxistin. Konsera ewil dê li Şikeftên Hesûnê ya li navçeya Farqînê were lidarxistin. Konser bi rêya platformên dîjîtal tên lidarxistin û weşandin.
Di konesra ewil a li Şikeftên Hesûnê ku dê di 16’ê cotmehê roja înê saet 20.00’an de were lidarxistin, dengê santur, keman û def û her wiha kilamên dengbêjan dê olan bidin.
Piştî şikeftê Hesûnê, dê li Keleha Zerzevanê jî piyano were guhdarkirin. Li Erxeniyê dê orkestraya rîtmên xwezayî hunera xwe nîşan bide û li Birca Keçikê jî dê Şahiya Tembûrê were lidarxistin.
Cîgirê Serokê DTSO’yê Ercan Tayinlamak derbarê van rêzekonseran de anî ziman ku Amedê ji dema bihûrî heta roja me ya îro gelek aliyên wê çandî nayên zanîn û ew dixwazin mazûvaniya danasîna vê çanda cuda û kevnare bikin. AMED
