Federasyonê Komeleyanê Dêrsimî (DEDEF) seba ke bale bianco projeyê peyzajî yê Çimeyanê Munzurî bînaya Komeleya Heqanê Merdiman (ÎHD) a Stenbolî de kombîyayîşê çapemenîye kerd. Endam û îdarekarê DEDEFî zî tewrê kombîyayîşî bîyî.
Sekreterê Pêroyî yê DEDEFî Hasan Şenî kombîyayîş de qisey kerd û da zanayene ke ê bi serran o ke vera projeyanê winasênan têkoşîn kenê û do nêverdê je cografyaya Dêrsimî bi nê projeyan bêra talankerdene.
Îdarekarê DEDEFî Yusuf Zîya Demîrçîyî zî vat: ”Seba bawerîya elewîtîye Çimeyê Munzurî zaf girîng ê. Bi nê projeyî wazenê kulturê ma çin bikerê. No projeyê îmha yo. Dêrsim tim talanî reyde têrî yo. Şarê Dêrsimî wayîrê kultur, huner û bawerîya xo vejîyeno la îradeyê înan yeno astengkerdene. La Munzur azad o û do azad biherîko.”
