Nûnerên bi dehan saziyan duh li bajarê Kolnê yê Almanyayê li hev civiyan û bi pêşengiya Defend Kurdistan daxuyaniyek da.
Ji beşdaran hevserokên KON-MED’ê Zubeyde Zumrut û Engîn Sever, bi navê Yaşanacak Dunya Çîgdem Devran, bi navê ADGB’ê Şafak Denîz, bi navê KJAR-Rojhilat Cemîle Kerîmî, bi navê Civaka Îslamî ya Kurdistanê (CÎK) Volkan Altûn, bi navê KCDK-E Başûr diyar Bekîr, Hunermend-Başûr Nabaz Abdullah, bi navê Koordînasyona Civaka Êzidî ya li Ewropayê Hecî Çelîk, nûnerê FEDA’yê Heval Huru û bi navê PJAK Rojhilat axaftin hat kirin.
Zubeyde Zumrut diyar kir ku koalîsyona şer a AKP-MHP’ê ji bo qirkirinê û dagirkirina başûrê Kurdistanê êrîş dike û wiha got: “Em ê li hemberî vê yekê bêdeng nemînin. Lewma em bang li kurdistaniyên li Ewropayê dikin ku 14’ê Tebaxê li dijî faşîzma tirk bi hev re bimeşin.”
Engîn Sever jî diyar kir ku bêdengiya li pêşberî êrîşên nijadperestiyê yên li dijî kurdan tê wateya pêşêvekirina li şerê navxweyî û ev tişta anî ziman: “Êrîş gihîşt heta Îranê. Li Îranê jî li dijî kurdan komkujî û êrîşên nijadperestiyê têne kirin. Ev êrîş ji polîtîkayên li Tirkiyeyê yên li dijî kurdan cuda nîne. Bi navê pêkhateyên Defend Kurdistan 14’ê Tebaxê saet di 11:00 de em ê li ber Dusseldorf HBF’ê bi hev re li dijî faşîzmê bimeşin.” KOLN
