Rêxistina DEM Partî ya Amedî derheqê weçînayîşanê herêmîyan ê 31ê adare de Parka Koşuyoluyî de eşkerayîyêke daye. Rixmê varayîşî zî xeylêk kesî tewrê eşkerayîye bîyî.
Hemsereka DEM Partî ya Amedî Pinar Sakik Tekîne eşkerayîye wende û ard ziwan ke îqtîdar wazeno ke mudaxeleyê weçînayîşan bikero û vat: ”Îqtîdar xora 2016 ra nata bi qeyûman îradeyê şarê ma xesp keno. Na polîtîkaya îqtîdarî polîtîkayanê se serran ra cîya nîya. Hînî şar xepkerdişê îradeyê xo rê tehamul nêkeno.
Şarê ma bire daye ke qeyûman rê teslîm nêbo. Bi seyan vernamzetê ma seba verweçînayîşan amadekarîye kenê. Weçînayîşanê herêmîyan de ma do cewabê tewr pîlî bidê ferasetê xespkerî û nê prosesê tarîyî biqedînê.”
Pinare venga şarî da ke 14ê çeleyî de tewrê verweçînayîşî bibo û raye bido. AMED
