Heyetê Îdareyê Herêmî yê Demokratîkî yê DEM Partî bi eşkerayîya nuştekîye da zanayene ke Halil Îbrahim Karabulutî îxanetê îradeyê şarî kerdo û nê vatî:
”Bajarekê Îkîkopruyî yê Êlihî de Partîya ma çarçewaya sîstemê hemserekîye de weçînayîşê 31ê adare ya 2024î de Celile Yildiz û Halil Ibrahîm Karabulut sey namzedan ramojnayî û weçînayîş de partîya ma ser kewte. Şarê Îkîkopruyî îradeyê xo mojna ra û wayîrê DEM Partî vejîya.
Badê destsernayîşê Şaredarîya ma ya Colemêrgî, vera hem şaredaranê ma bi taktîkê şerê taybetî tay nêzdîbîyayîşî reyna vejîyayî werta. Hemşaredarê Îkîkopruyî Halil Ibrahîm Karabulutî hewteyêk cuwa ver îstîfayê xo eşkera kerd. Ma hewteyêk ey de tay pêvînayîşî kerdî la netîce nêgirewt. Îqtîdar bi metodê xo yê tehdîtî vera kesayêtê sistî yê Halîl Îbrahîmî Karabulutî de ser kewt. No sexs vano qey rayê ke dîyayî partîya ma dîyayî ey. Şarê Îkîkopruyî rayê xo dayê partîya xo şexsen nêdayî. Ma tîya ra veng danê Halil Îbrahîm Karabulutî. Seba ke verê zextê îqtîdarî de çok da, ganî cade îstîfa bikero. O ewro ra tepîya îradeyê şarî temsîl nêkeno. Wa no bêro zanayene kesê ke îxanetê şarî kenê çirey nînê efûkerdene.”
