Desthilata faşîst a AKP-MHP’ê ji bo pêşiya têkçûna xwe li bigire hemû derfetên dewletê bi kar anî dîsa jî li Kurdistanê têk çûn. Di hilbijartinên rêveberiyên herêmî yên 31’ê Adarê de li bajarên bakurê Kurdistanê û Tirkiyeyê şikestineke mezin xwar. Li bajarên Kurdistanê gelê kurd ji polîtîkayên şer û qeyûman re got; “Na.” Tevî leşker û polîsên ji bajarên Tirkiyeyê li Kurdistanê hatine veguhestin jî Partiya Wekhevî û Demokrasiyê ya Gelan (DEM Partî) gelek bajar û navçe bi rêjeyeke bi ser ji sedî 70’ê de deng stand.
Lê belê mîna di hilbijartinên berê, di vê hilbijartinê de jî navçeya Licê ya Amedê di rêza yekemîn de cih girt. Xelkê navçeyê sindoqên xwe di lûtkeyê de girt. Di heman demê de li gundê Fîsê yê Licê ku PKK’ê li wir damezirandina xwe ragihandibû jî ji sedî 89’ê dengan DEM Partiyê girt. Li gund 190 hilbijêran dengê xwe dan û ji van dengan 170 jê DEM Partiyê girt.
Navçeyên bakurê Kurdistanê yên DEM Partiyê bi ser ji sedî 70’ê deng lê standî wiha ne:
*Lice: 86.08
*Gever: 78.23
*Nisêbîn: 75.38
*Cizîr: 72.88
*Karaz: 72.23
*Rezan: 71.83
*Qelqelî: 71.50
*Hezex: 71.27
*Farqîn: 70.60
*Qoser: 70.58
