Desthilata faşîst AKP-MHP’ê bi derxistina qanûnan jiyana karkeran dixe xetereyê, endam û parlamenterên wê jî zilmê li karkerên li destê wan dixebtin dikin. Ji van zilimkaran yek jê parlamenterê AKP’ê Ferhat Nasiroglû yê ku xwediyê şîrketa Madenvaniya Fernasê ya li Somayê ya Manîsayê ye. Şîrketa Fernasê ji ber ku karkerên li gel wan dixebitin bûn endamên Sendîkaya Karkerên Madenê yên Serbixwe ji kar hatin derxistin. Karkerên ji kar hatin derxistin ji bo dengê xwe bidin bihîstin ji Somayê heta Enqereyê meşiyan. Karker 14 rojan li Parka Kurtuluşê di nava çalakiyê de ne.
Parlamenterên DEM Partiyê Omer Faruk Hulaku, Gulderen Varli, Ozgul Sakî, Gulcan Kaçmaz Sayyîğît, Kamuran Tanhan û Rêxistina Bajar a Enqereyê di tevahiya şevê de li gel karkeran bûn. Di vê navberê de Serokwekîlê Meclisê Sirri Sureyya Onder têkildarî rewşa karkeran li Meclisê bi Nasiroglû re hevdîtin kir. Onder piştî hevdîtinê hate parqê û li vir daxuyanî da. Onder got ku ji destpêkê heta niha ew li cem karkeran cih digirin û Onder da zanîn ku Nasiroglû qebûl kiriye ku li herêma madenê bi karkeran re hevdîtinê bikin, dê kesekî mexdûr nekin û mutabeqeteke lihevkirî were çêkirin.
Karkeran jî spasiya Onder kirin.
