DEM Partî bi wesîleya Roja Ziwanê Dayîke ya 21ê Sibate bi hewt ziwanan kombîyayîş kerd. Kombîyayîş de Hemserekê Pêroyî Tuncer Bakirhanî rpjdem ercna û bi temamî kurdkî qisey kerd.
Bakirhanî nuştox û şaîrê kurdî yad kerdî. Bakirhanî bale ante polîtîkayanê asîmîlasyonî yê vera kurdkî ser û vat: ”Ziwanê ma bi xoverdayîşê şarê ma resa nê rojan. Dewlete kurdkî sey dersa weçinite kerde dibistanan la mamostayan tayîn nêkena. Ronîyayîşê Tirkîya ra nata tedayê vera kurdkî nêqedîyenê. Bi taybetî daebeya qeyûman ra dima tedayê vera kurdkî zêdîyayî. Qeyûmî dişmenê kurdkî yê.
Vera polîtîkayanê asîmîlasyonî ganî ma her cade bi ziwanê xo qisey bikerê. Ziwanê ma estbîyayîşê ma yo. Nika verê ma de weçînayîşî est ê. Ma do ser bikewê, qeyûman bişawê û ancî şaredarîyanê xo bikerê şaredarîya pirrziwane. Ziwanê ma xeta ma ya sûr a. Ma do kursanê kurdk abikerê. Ma dûştê dersanê weçîniteyan nîyê la ziwanê ma yê dayîke heqê ma yo. Ma wazenê ke kurdkî wa biba ziwanêko resmî.”
Dima Salîha Aydenîz bi kirdkî, George Aslanî bi suryankî, Berekete Kar bi erebkî, Zeynepe Bayram lazkî, Murat Mikçiyî zî bi armenkî selam da grûbe. ANQARA
