Navenda Nûçeyan
Di 2’yê kanûna 2020’an de li başûrê Kurdistanê li dijî, nedayîna mûçe, bêkarî, nebûna xizmetgûzariyê û gendeliyê xwepêşandanan destpê kir û heta 9’ê heman mehê berdewam kir. Di van xwepêşandan de 9 kes hatin kuştin. Gelek kes birîndar bûn û zêdeyî sed kesan hatin binçavkirin. Welatiyan ji hikûmetê daxwaza mûçeyên xwe û mafên sereke yên jiyanê dikirin. Lê welatiyên navçeya Seyidsadiq a Silêmaniyê, diyar kirin ku hikûmetê daxwazên wan paşguhxistine û bersiv nedane.
Li gorî Çalakvan Şaxewan Salar hikûmeta başûrê Kurdistanê girîngiyê nade welatiyên xwe û got,”Ev malbata desthilat, ji destpêkê ve jêre demokrasî digotin, lê ne raste, komek berjewendîxwazin, bi komkirina pereyan ve mijûl in. Dema ku xelk daxwaza mûçe dikin, naxwazin ji hesabê xwe kêm bikin, ji berîka xwe derbixin û bidin welatiyan.”
Şaxewan Salar eşkere kir ku welatiyên başûrê Kurdistanê ji bo bi destxistina mafên xwe hemû riyên medenî bikaranîn, lê desthilatê bi kuştin û şîdetê bersiv daye.
Herwiha Rojnameger Îbrahîm Heme Salih diyar kir ku çareseriya rewşa niha nemana vê desthilatê ye û got;”Evane dizin, mafya û çetene. Dema ku diz û mafya li ser desthilatê bin, ne dibihîsin û ne jî dibînin. Guhdar ji nakin û ker û kor in. Divê ev desthilat weke dîktatoriya berê biçe. Qet baweriya van bi riya çareseriya medenî nîne.”
Li başûrê Kurdistanê niha rewşa welatiyan û bi taybet ya mûçexweran di warê aborî de gelek xerabe. Ji ber ku ji derveyî kêmkirina mûçe, hikûmet ti mehan mûçeyên karmendan di dema xwe de nade.
