Tecrîdê Girawa Îmrali ke Rayberê Şarê Kurdî Abdullah Ocadan tede esîr yeno tepiştiş, her ke şino giranêr beno. Avûkatan tewr peynî 8 serran da dima 2-22ê gulane, 12-18ê hezîrane û 7ê tebaxa 2019î de muwekîlê xo reyde pêvînayîş kerdbi. Cewab nêdîyeno muracatê pêvînayîşan.
Derheqê babete de avûkat Cemîl Demîrî ANFyî rê qisey kerd û ard ziwan ke eke Mehkemeya Heqanê Merdiman a Ewropa (MHME) bire bida ke heqê Ocalanî ameyê binpaykerdene hînî veradîyayîşê ey çend serran de do bikewo rojdem.
Avûkat Demîrî bale ante pozîsyonê Rayberê Şarê Kurdî Ocalanî ser û îfade kerd ke coka ê wazenê nênefes verdê. Demîrî sîstemê huqûqê neteweyî û globalî qetil keno û bi hawayêkê giranî yeno caardene.
Avûkat Demîrî pare kerd ke cezaya muebeda girankerde asta binpaykerdişê heqanê merdiman de ya û vat: “Cezaya muebeda girankerde rixmo ke 2005î de vejîya û tesîrê Ocalanî nêkeno bi vurnayîşêlê taybetî ey rê ameye ferzkerdene. Cezaya muebeda girankerde seke cezaya îdamî ya. Mehkemeya Heqanê Merdiman a Ewropa hukm dabi ke ‘heqê hêvîye’ ameyo binpaykerdene. Bire daye ke na babete de ganî vurnayîşê qanûnî bêrı kerdene la Komîteya Wezîran a Konseya Ewropa na babete de mesuldarîya xo canêana. La eke Mehkemeya Heqanê Merdiman a Ewropa bire bida ke heqê Ocalanî ameyê binpaykerdene hînî veradîyayîşê ey çend serran de do bikewo rojdem.” COLEMÊRG
