Hevserokê berê yê HDP’ê Selahattîn Demîrtaş, bertek nîşanî biryara dadgehê ya di rûniştina berê de parastin amade nebûye da û wiha got: “Dosya min bi fermana Wezîrê Dadê tê reşkirin.”
Danişîna doza Hevserokê berê yê HDP’ê Selahattîn Demîrtaş li 19’emîn Dadgeha Cezayen Giran a Enqereyê hat dîtin. Danişîna dozê li salona Kampusa Girtîgeha Sîncanê hat dîtin. Demîrtaş bi rêya SEGBÎS’ê ji Girtîgeha Tîpa F a Edîrneyê beşdar bû. Ji ber destûr nehat dayîn ku heyeta biyanî beşdarî danişîna dozê bibe Demîrtaş bertekên xwe anî ziman.
Demîrtaş diyar kir ku di navbera 2 danişînan de li ser dosyayê reş dikin û wiha got: “Aşkera dosyayê reş dikin. Ev yek bi fermana Wezîrê Dadê pêk tê. Divê mijarê de fikarên min hene. Hûn kengî vê yekê binivîsin û bêjin ‘Biryar hatiye dayîn ku Selahattîn Demîrtaş bêdeng bibe’ ez soz didim ku carek din ez ê carek din neaxivim. Hûn dikarin ji bo mutalaayê dosyayê teblîg bikin, lê ji xeynî wê hûn nikarin mafê min ê axaftin û îfadeyê qut bikin. Hûn ew qasî der barê axaftinên me yên derve de sûcdar dikin, wê demê bihêlin em li salonên dadgehê li gel parêzerê xwe bersiv bidin û parastina xwe bikin.” ENQERE
