Selahattîn Demîrtaş li ser hesaba xwe ya twîtterê peyamek parve kir. Di peyama xwe de Demîrtaş xwest ku welatî biçin ser sindoqan û xwedî li dengê xwe derkevin
Hevserokê Partiya Demokratîk a Gelan (HDP) ê berê Selahattîn Demîrtaş ku li Girtîgeha Tîpa F ya Edîrneyê tê girtin, li ser hesaba xwe ya twîtterê ji bo hilbijartinê peyamek parve kir. Demîrtaş di peyama xwe de ji bo xwedîderketina li sindoqan bang kir.
Peyama Demîrtaş a li ser twîtterê wiha ye: “Merheba, hûn çawanin? Em diçin ser sindoqan, ne wisa? Ji kerema xwe dengê xwe bidin û heta ku jimartin bi dawî dibe jî xwedî li sindoqan derkevin. Em êvarê bi hev re encameke xweş bibînin.”
Di heman demê de Demîrtaş wêneyê çûkekî ku bi xwe xêz kiriye jî weşand û ev peyam parve kir: “Dixwazim wêneyekî xwe yê din bi we re parve bikim. Bi hêviya ku sibe wê xweştir be…” AMED
Merhabalar, nasılsınız? Sandığa gidiyoruz, değil mi? Oyunuzu mutlaka kullanın ve sayım bitene kadar da sandığa sahip çıkın lütfen. Güzel sonuçları akşam hep birlikte, keyifle izleyelim. (Bir resim çalışmamı da paylaşmak istiyorum sizlerle. Yarının daha güzel olması dileğiyle…) pic.twitter.com/ORDatTNtes
— Selahattin Demirtaş (@hdpdemirtas) 31 Mart 2019
