Girewteyê PKK û PAJKî: Rayberê ma çalakîyanê fedaîyan bimana vîneno, la tewirê ey o prensîpkî zî yeno zanayene. Ganî hemrayê ke zîndanan de yê heme înan goreyê nê prensîpî tê bigêrê
Bi nameyê girewteyanê PKK û PAJKî yê zîndanan de seba protestokerdişê tecrîdê serê Rayberê Şarê Kurdî Abdullah Ocalanî kewtê grevê vêşanîye yê bêdem û bêagêrayîşî, Denîz Kaya eşkerayêk pare kerde. Eşkerayîye de ame vatene, “Hemleya xoverdayîşî ya ‘Ma tecrîdî bişiknê, faşîzmê birijnê û Kurdistanî azad bikê‘ bi çalakîyanê fedaîyan resaye sewîyeya neweye.”
Eşkerayîye de ca dîya nînan: “Rayberîya hemra Leyla Guvene de xeta xoverdayîşî ya ke zîndanan de xurt bîya bi tewrbîyayîşê bi hezaran hemrayanê ma yê PKK û PAJKî, ne rojî, ne mengî, mewsimî xo pey de verdayî û çar hetanê dinya ra vila bîye.
No xoverdayîş vera tecrîdê serê Rayber Apoyî yo ke şexsê ey de serê şarê Kurdî, serê temamê şaran, bindestan de yeno kerdene, ameyo destpêkerdene. Coka bi nê amancî ganî her kes bivejîyo wareyan, seba ke vengê xoverdayoxan bêro heşnayene çi dest ra yeno bikero. Çalakîyê fedaîyî yê hemrayanê ma ramojnenê ke sewîyeya xoverdayîşî resaye tîtik. Destserdarîya faîşt û nîjadperest a AKP-MHPyî vera Kurdan û heme bindestan komkiştiş, carakerdiş, qetilkerdiş serê şarê ma de dana ferzkerdene.
Meşaleya azadîye ya ke Kawayê Asinkarî ra heta Kawayê Hemdemî Mazlûm Doganî ameya wekerdene, bi Zekîye, Rahşane, Ronahî, Bêrîvane û Semayan; bado bi xoverdayîşê hemra Leyla Guvene û Nasir Yagizan aver şîye, bi hemra Zulkuf Gezen, Ayten Beçete, Ûgûr Şakar, Zehra Saglame û Medya Çinare bi qehremanî dewam kerde. Bi rike, hişmendîya faşîst û nîjandpereste, ma cuye biciwîye; eke ma çalakîyanê xo bi sereyê xo, bi hîsan ney, bi hîsanê birêxistinan û reaksîyon nêvirazê, ma do heqîqetê xo ra bikewê mîyanê nêzdîkewtişê kêmasîye, no zî vera Rayberê de û kewtişê xeta ey de; beno faktorêko astengdar. Eke ma bi hîs û fikrêko hîna birêxistin têgêrayîş bikerê, ma do bieşkê tecrîdê serê Rayberê şaran bişiknê, faşîzm qetî bêro rijnayene, xoverdayîş bi serkewtişî bêro tacîdarkerdene. Fehmkerdişê rastîya Rayberîye, fehmkerdişê fikr û felsefeya ci reyde bi xoverdayîş beno. Na rastîye heme hewrayî zanê; Rayberê ma çalakîyanê fedaîyan bimana vîneno, la tewirê ey o prensîpkî zî yeno zanayene. Ganî hemrayê ke zîndanan de yê heme înan goreyê nê prensîpî têgêrayîşî bikerê.
Ma têkoşeranê azadîye yê hemleya xoverdayîşî ya ‘Ma tecrîdî bişiknê, faşîzmê birijnê û Kurdistanî azad bikê’ bi rêzdarî û minet yad kenê û reyna soz danê ke ma do amanc, xewn û xeyalanê înan ca bîyarê. Ma reya bîne vanê, wa sereyê keyeyanê hewrayanê Zulkuf, Aytene, Zehra, Ûgûr û Medya Çinare weş bo, wa sereyê şarê ma û ma hemeyan weş bo. Vatişê pîyê hemraye Ayten Beçete bimana yo, va ‘Heta ke tecrîd nêro wedaritene, heta ke faşîzm nêro rijnayene, no adir ewro keyeyê mi veşneno, meşte zî yê to’. Seba naye zî ganî vera zîhnîyetê kiştoxê faşîst ê qetilkerî de ma heme pîya xo ver ro bidê, tecrîdî bişiknê û azad bibê. Ma vanê, heta ke waştişê ma nêro qebûlkerdene ma do xoverdayîş dewam bikerê.
Ma reya bîne vengdayîş bi şarê xo, rayapêroyî ya Tirkîya û mîyanneteweyî, dezgehanê demokratîkan û merdimanê wayîrê wijdanî kenê; seba meşte erey keweno, seba ke şehadetê neweyî nêbîyê, bibê vengê ma; ma pîya vera tecrîdî bivindê.”
