Serdozgeriya Komarê ya Panosê der barê hevşaredaran de lêpirsîn da destpêkirin. Di lêpirsînê de her tişt wekî delîlên sûcî hatin hesibandin
Serdozgeriya Komarê ya Panosê, derbarê hevşaredarên Şaredariya Panosê Muşerref Geçer û Emrah Kiliç de lêpirsînek da destpêkirin.
Di lêpirsînê de pêşwazîkirina Endama Meclisa Partiyê ya HDP’ê Zelal Yerlîkaya ya di 26’ê Adara 2019’an de ji Girtîgeha Tîpa L a Panosê derket, nîşaneya serketinê ya di dema pêşwazîkirina Yerlîkayayê de, di dema mîtînga HDP’ê ya Agiriyê de çepikên ji bo Hevşaredarê Kongreya Civak Demokratşk (KCD) û Parlementerê HDP’ê yê Agiriyê Berdan Ozturk û di mîtîngê de daxwaza hevşaredaran a ji bo dengan wekî delîlên sûcî hatin hesibandin.
Parêzerê hevşaredaran Kemal Altûnay destnîşan kir ku ya tê darizandin ne hevşaredar HDP bi xwe ye. Altûnay bilêv kir ku ev lêpirsîn li dijî hiqûqê ye û got ku di dosyaya lêpirsînê de tiştekî ku wekî sûc bê hesibandin tune ye. WAN
