Serdozgeriya Komarê ya Stenbolê bi hinceta parvekirinên li ser medyaya civakî, der barê hunermend Ferhat Tunç de lêpirsîn da destpêkirin û biryara lêgerîna mala wî da
Serdozgeriya Komarê ya Stenbolê bi hinceta parvekirinên têkildarî êrîşên dagirkeriyê yên dewleta tirk ên li dijî rojavayê Kurdistanê yên li ser medyaya civakî, der barê hunermend Ferhat Tunç de lêpirsîn da destpêkirin. Serdozgeriyê biryar da ku li mala hunermend Tunç lêgerîn bê kirin. 10’emîn Dadgeha Cezayên Sulhê ya Stenbolê jî daxwaza lêpirsînê ya serdozgeriyê qebûl kir.
Hat zanîn ku biryara lêpirsînê di 17’ê cotmehê de hatiye dayîn û îro jî hatiye teblixkirin. Der barê mijarê de parêzera Tunç, Fatma Hopikoglu agahî dan û diyar kir ku hêj li mala muwekîlê wê lêgerîn nehatiye kirin. Hopikoglu destnîşan kir ku parvekirinên muwekîlê wê sûc nînin û li dijî lêpirsînê îtîraz kiriye. STENBOL
