Serdozgeriya Komarê ya Mêrsînê der barê 13 parêzerên OHD’ê yên ku ji bo balkişandina ser rewşa çalakvanên di greva birçîbûnê de li Mêrsînê çalakiya rûniştinê pêk anîn, lêpirsîn da destpêkirin
Parêzerên Komeleya Hiqûqnasên Ji Bo Azadiyê (OHD) di 9’ê nîsanê de ji bo balê bikişînin ser çalakiyên greva birçîbûnê yên ji bo rakirina tecrîda li ser Rêberê Gelê Kurd Abdullah Ocalan hatine destpêkirin, li ber Edliyeya Mêrsînê çalakiya rûniştinê pêk anîbû. Serdozgeriya Komarê ya Mêrsînê der barê parêzerên tev li çalakiyê bûn de lêpirsîn da destpêkirin.
Dozgeriyê der barê parêzer Mehmet Altuntaş, Emrullah Şam, Mehdî Zana Akkaya, Îbrahîm Cînbaş, Selçuk Bînîcî, Hoşyar Sariyildiz, Ozgur Çaglar, Alî Bozan, Fîlîz Soylu Bozan, Sebahat Gençtarîh, Çîgdem Altuntaş Bayhan, Halîl Gungor û Riza Oguz de bi îdiaya ‘Muxalefeta Li Dijî Qanûna Civîn û Xwepêşandana’ û ‘Astengkirina çalakiyên saziyên cemaweriyê yan jî saziyên pîşeyî yên di wesfa saziyên cemaweriyê de’ de lêpirsîn da destpêkirin. MÊRSÎN
