Merkezê Îrtîbatî û Çapemenîye yê HSDyî bi eşkerayîyêke pare kerd ke înan Dêra Zorê de Koalîsyonê Mîyanneteweyîyî reyde operasyonêk kerdo û 7 cergê DAIŞî tepiştê.
Eşkerayîye de wina ame vatene: ”Çarçewa operasyonanê vera hucreyanê DAIŞî de Yewinanê Têkoşînê Vera Terorî (YAT), HSD, Koalîsyonê Mîyanneteweyî perey operasyonêkê asayîşî bajarekê El Şihîlî yê Dêra Zorê de kerd.
Hêzanê operasyonî eşt hucreyêkê DAIŞî ser. Nê operasyonî de 7 cergê DAIŞî tepişîyayî. Destê înan de gonîya şerwanan û şarê ma est a. Nê cergan DAIŞî rê cebilxane û çimeyê fînansî zî peyda kerdêne. Hêzê ma heta ke DAIŞ bi temamî çin bikerê operasyonanê xo rê dewam bikerê.”
