Serdozgerîya Komara ya Dêrsimî, derheqê avûkatê keyeyê wendekara Unîversîteya Mûnzûrî Gulîstan Dokuya ke 255 rojî yo vinî ya, Alî Çîmenî de bi îdîayê “nimtişê tehqîqatî îhlal kerdo” cigêrayîş dest pêkerd.
Avûkat Alî seba vatişê, “tu cismêk nêkewto awe” yê beşê diyîn ê raporê derheqê Gulistane de ame amadekerdene ca gêno menga tebaxe de bi raya umumî dir pare kerd, yeno sucdarkerdene. Avûkat Alî, dîyar kerd ke vera ke dozgerî enerjî û demê xo seba roşnkerdişê aqûbetê Gulîstan Dokûye xerc bikero, înan dir meşgul beno û vat: “No cigêrayîşê ke ameyo destpêkerdene, hemverê huqûqî yo. Cinîyêka ciwan a 21 serrî vindî ya. Bi tu hawayî zanayîş ci ra nîno girewtene û ma wazenê aqûbetê ci dîyar bikerê. Ma seba nê têkoşîn kenê. La yenê derheqê ma de cigêrayîş danê destpêkerdene. Seke yeno zanayene, verê qerarê destbendkerdene yê derheqê keyeyî de estbi. Bi rastî zî no trajedîyêko pîl o. La wa bêro znaayene ke nêzdîbîyayîşêk winasî biqerarî hîna pîl keno. Ma do taqîbkerdoxê dewa bê. Ma do fek dewa xo ra vera nêdê.” DÊRSIM
