Derheqê Hemsereka Pêroyî ya HDPyî Pervîn Bûldane û Parlamentere Feleknas Ûca de fezlekeyî ameyî amadekerdene
Peynîya fezlekeyanê ke derheqê parlamenteranê Partîya Demokratîke yê Şaran (HDP) de yenê amadekerdene nêno. ‘Deklarasyonê seba çareserîya problemê Kurdî’ yê verê weçînayîşê pêroyî yê 24ê Hezîrane, bi babeta fezlekeyî. Deklarasyon 23ê Gulane 2018 de bi Tirkî hetê Bûldane ra, bi Kurdkî zî hetê Ûca ra amebi eşkerakerdene.
Seba naye zî bi îdîaya ‘Pesnê sûc û sûcdar dayene’ ra derheqê Bûldane û Ûca de fezlekeyî ameyî amadekerdene û Meclîsî rê ameyî şawitene. Fezlekeyî de ame waştene, heqê destnêpirodayîşî yê her di parlamenteran bê bêro wedaritene. ANQARA
