Serdozgerîya Komarî yê Stenbolî bi mehneya parekerdişanê medyaya komelkî derheqê hunermend Ferhat Tunçî de tehqîqat daye destpêkerdene û qerarê cigêrayîşê keyeyê ci daye
Serdozgerîya Komarî yê Stenbolî bi mehneya parekerdişanê medyaya komelkî ke derheqê hêrişê dagirkerîye yê dewleta tirkî yê vera rojawanê Kurdistanî de pare kerdbî derheqê hunermend Ferhat Tunçî de tehqîqat daye destpêkerdene û qerarê cigêrayîşê keyeyê ci daye. Serdozgerîye qerarê cigêrayîşê keyeyê Tunçî zî daye. 10. Mehkemaya Cezaya Sulhî yê Stenbolî waştişê cigêrayîşî yê Serdozgerîye qebul kerde.
Ame zanayene ke qerarê cigêrayîşî 17ê teşrîna verêne de pê ameyo û vizêr zî ameyo teblîxkerdiş. Derheqê babete de avûkata Tunçî, Fatma Hopikoglu malumat daye û dîyar kerde ke hema zî keyeyê muwekîlê ci de cigêrayîş nêameyo kerdene û parekerdiş suc nîyo. STENBOL
