Derheqê Hunermend Ferhat Tunçî de qerarêko bîn yê tepiştişî ame vetene
Roniştişê doza ke bi îdîayê medyaya komelkî ‘Heqaret bi Serekkomar kerdo’ derheqê hunermend Ferhat Tunçî de ameybî akerdene, 14. Mehkemeya Cezaya Eslî ya Buyukçekmeceyî de ame vînayene. Muhakemekerdişêk bîn yê Tunçî zî 4. Mehkemaya Cezaya Eslî de ameye vînayene.
Seba ke Tunç teberê welatî debî tewrê roniştişê doze nêdî. Avûkata Tunçî Fatma Hapîkogluye roniştişê doze de hadre bîye.
Roniştişo ke 4. Mehkemaya Cezaya Eslî de ame vînayene de avûkata Tunçî Fatma Hapîkogluye waşte ke qerarê tepiştişê Tunçî bêro wedarnayene. Labelê heyetê mehkema qerarê tepiştişê Tunçî newe kerd û roniştiş taloqê 14ê sibata 2020î kerd.
Roniştişê 14. Mehkemaya Cezaya Eslî de vînayene de heyetê mehkema derheqê Tunçî de qerarê tepiştişî da û roniştiş taloqê 4ê kanûna 2019î kerd. STENBOL
