Derheqê wekîl Alîcan Onlu û hemserekanê HDPyî yê Dêrsimî Nurşat Yeşîl û Îbrahîm Kasunî de seba ke şîyê tehzîyeya Ismail Surgeçî (Yilmaz Dersim) cipêrsayîş dîya destpêkerdene
Rêxistina Partîya Demokratîke ya Şaran (HDP) yê Dêrsimî û wekîlê HDPyî yê Dêrsimî Alîcan Onluyî keyeyê fermandaranê HPGyî ra Îsmaîl Surgeç (Yilmaz Dersim) o ke 10ê teşrîna peyêne de operasyonê artêşa tirke yê herêma Alibogazi ya mabênê Dola Ahpanosî û qezaya Xozatî ya Dêrsimî de şehîd bi, zîyaret kerdbi û ci rê serweşîye waştîbî.
Serdozgerîya Komare ya Dêrsimî derheqê wekîl Alîcan Onlu û hemserekanê HDPyî yê Dêrsimî Nurşat Yeşîl û Îbrahîm Kasunî de bi îdîaya ”propogandaya rêxistine” cipêrsayîş da destpêkerdene. Çarçewa cipêrsayîşî de dosyaya Alîcan Onluyî Serdozgerîya Komare ya Anqara rê ameye şawitene. Cipêrsayîşê Yeşîl û Kasunî do hetê Serdozgerîya Komare ya Dêrsimî ra bêro rayraberdene. DÊRSIM
