Çarçeweya tehqîqato ke derheqê teqayîşê Pasûrî de dîyabî destpêkerdene de Mehmet Emîn Ayo ke namzedîya ci hetê YSKyî ra ameybî redkerdene, ame tepiştene. Tewrê Ayî hûmara kesê tepişteyan resa 4 kesan
Rayîrê qezaya Pasûrî ya Amedî ser de 12 êlule de vera wesayîtêk de teqayîş pê ameybî û netîceyê teqayîşî de 7 kesan cuya xo vindî kerdbî. Tehqîqato ke badê hedîse dîya destpêkerdene dewam keno. Na çarçewe de Mehmet Emîn Ayo ke namzedîya ci ya Hemşaredarîyê Pasûrî yê HDPyî hetê YSKyî ra ameybî redkerdene zî hetê eskeran ra ame tepiştene.
Eskeran eştî keyeyê Ayî yê Pasûrî ser û badê cigêrayîşan ci tepiştî. Eskeran Ayî berdî Mudirîya Polîsan ya Pasûrî.
Rojêk badê hedîse Hemşaredarê qezaya Pasûrî Mehmet Fatîh Taş, Hemserekê Partîya Demokratîke ya Şaran (HDP) yê Abidîn Karaman û Mudirê Karê Fenî yê Şaredarîya Pasûrê Şener Aktaşî ameybî tepiştene û 4 rojî yo ke binê çiman de yenî tepiştene. AMED
