Dêrsim de mîyanê înan de Berivan Kit Gungormuşa ke leyîrêk aye yê 3 aşmî zî esto pêropîya 9 kesî ameyî tepiştene
Dêrsim de operasyonê qirkerdişê sîyasî ke hemverê Partîya Demokratîke ya Şaran (HDP) de hewteyo verên dîyabî destpêkerdene ewro zî dewam kerd. Bajar de saetanê serê sibayî de polîsan eştî xeylê adresan ser. Netîceyê sereştişê keyeyan de rayîrberê verên yê Partîya Herêmê Demokratîkî (DBP) Celal Aydin, Hemserekê verên yê bajarî yê Partîya Demokratîke ya Şaran (HDP) Murat Polat, rayîrberê HDPyî Balaban Turgut û Cemal Gungormuş, endamê Meclîsm Pêroyî yê Bajar Mehmet Ali Yazir, rayîrberê Federasyonê Meclîsê Sosyalîstanê pîya(SMF) Mustafa Ataç, Ozcan Ateş, Ferîde Kit û Berivan Kit Gungormuşe ameyî tepiştene. Pêropîya 9 kesî ameyî tepiştene
Ame zanayene ke kesê ke Dêrsim de ameyî tepiştene ra Berivan Kit Gungormuşe hema 3 aşmî verê domanêk arda dinya û tewrê leyîrê xo yê 3 aşmî ameya tepiştene. 9 kesê ke ameyî tepiştene berdî Mudirîya Asayîşî ya Bajarî.
Bajar de operasyon dewam keno û yeno texmînkerdene ke hûmara tepiştene zêde biba. DÊRSIM
