Mehkemeya Îdarî ya Berze bire dabî ke feshkerdişê Peymana Stenbolî do nêra betalkerdene. Vera bira mehkeme nêrazîbîyayîşî dewam kenê.
Platformê Cinîyan ê Dêrsimî zî Kuçeyê Hunerî yê şaristan de pankarta bi nuşteyê ‘Ma Peymana Stenbolî ra fek vera nêdanê’ akerde û pê eşkerayîyêke bira mehkeme protesto kerde.
Endama Platformî Nurşat Yeşîle çalakîye de qisey kerd û ard ziwan ke pê feshkerdişê Peymana Stenbolî kiştoxî yenê pawitene û vat: “Mehkemeya Îdarî ya Berze bi na bire reyna îmza daye binê şîdetê serê cinîyan û qirkerdişê cinî û domanan. Ma sey cinîyanê Dêrsimî na bira bêhuqûqe nêşinasnenê, qebul nêkenê. Ma seba caardişê Peymana Stenbolî heta nika kuçeyan de têkoşîn kerd û ma do bikerê. Ma do Peymana Stenbolî nêverdê însafê ‘yew camêrdî.’”
