Dêrsim de rayberîya rêxistina HDPyî ya Bajarî de çalakîya roniştişî ya vera qeyûman ya ke her roje yena viraştene vizêr zî dewam kerde
Dêrsim de çalakîya vera qeyûman ê Amed, Wan û Mêrdînî vizêr zî dewam kerde. Çalakîya ke Meydanê Seyîd Rizayî de ameye viraştene de vera qeyûman mesajê xoverdayîşî ameyî dayene.
Hemsereka Partîya Demokratîke ya Şaran (HDP) ya Bajarî Ozlem Toprake ard ziwan ke çalakîyê vera qeyûman do bêrê dewamkerdene û waşt ke her kes vejîyo kuçeyan û xoverdayîşî gird bikero. Toprake şarê Dêrsimî ra waşt ke çalakîya ke ê tim saete 18.00î de virazenê bibê û wayîrê îradeyê xo bivejîyê. Dimayê eşkerayîye çalakîya roniştişî ameye viraştene. DÊRSIM
