Emser 1ê Gulane de Dêrsim de semedê vîrusê Korona ra asta temsîlîye de Meydanê Seyîd Rizayî de eşkerayîyêka çapemenîye do bêra kerdene û şan zî saete 20.20 de pencerayan ra, şûmşînan ra pê marşanê kedkaran 1ê Gulane do bêro fîrazkerdene.
Temsîlkaranê sendîka, dezgeh û partîyan ê Dêrsimî zî seba 1ê Gulane veng da. Vengdayîşê înan wina yo: ”Faturaya krîzê janî şarî ra yena girewtene. Vera naye ver bi 1ê Gulane. Ma veng danê ke vera kapîtalîzmo ke weşîye ra xirab o ma 1ê Gulane fîraz bikerê. Ma seba bawerîya xo, ked û azadîya xo 1ê Gulane keyeyan de pê coşî fîraz bikerê.”
Partîya Demokratîke ya Şaran (HDP), Konfederasyonê Sendîkaya Karkeranê Şorişgêrî (DÎSK), Partîya Kede (EMEP), Partîzan û EOCyî zî wina veng da: ”Seba ke kedkarî keye de bimanê, seba ke ma vajê îzîno bimeaş heq o ma do şûmşînanê xo ra pancerayanê xo ra vengê xo berz bikerê. DÊRSIM
