Şûbeyanê KESK û DÎSKî yê Dêrsimî derheqê îxraçan de eşkerayîyêk daye vat ke lîsteyê KHKyî yê ke bi waştişê girewtişê qesasê sîyasî û şexsî ameyî hadrekerdene îlkeyê bingeyên ê huqûqî binpay kerdî.
Şûbeyanê KESK û DÎSKî yê Dêrsimî derheqê îxraçan de eşkerayîyêk daye û bale ante nêheqîya ke ame kerdene ser û waşt ke heme ixraçkerdeyî karê xo rê peyser agêrê.
Eşkerayîya ke Meydanê Seyîd Rizayî de ameye dayene de ame vatene ke bi seyan kedkarî bi Qarernameyê Hukme Qanûnî bîlaheq karî ra ameyî eştene û nê ame vatene: “Ma senî ke vizêr va, ewro zî vanê wa peynîya na bêhuqûqîye bêro. Cipersayîş û îxraçê kedkeran bêrê qedînayene. Demê OHALî de sendîqayanê cîya cîyayan ra temamî de 291 endamê ma karî ra ameyî eştene, înan ra 55 kedkarî karê xo rê peyser agêrayî la karê 236 kesan peyser nêdîyayo înan. Ganî karê heme endamanê ma cade peyser bêrê dayene. Çew nêeşkeno bi tayî qeraranê ke serê masa de bi xirsê qesasê sîyasî û şexsî ameyî girewtene, ameyoxê ma tarî bikero. Ma do seba heqanê xo bi yewbîyayîş û paştdayîş tim payan ser o bê.” DÊRSIM
