Vîrusê Korona bi hawayêkê xirabî tesîrê heywanan zî kerd. Dêrsim de pê germbîyayîşê hewayî komêka hemwelatîyan dest pê kerd ke wayîrê heywananê teberî bivejîyê.
Kome seba heywanan cayê mendişî viraştî. Domanî zî bocîyan de eleqedar bîyî. Domanan ard ziwan ke ê goreyê dorî her roje werd danê heywanan. Domanan seba hîsgerîye veng da û vat: ”Ma soz da, ganî ma heywananê teberî bipawê.”
Ergun Demîrî zî ard ziwan ke ê wextêkê dergî ra nata seba heywanan tay xebatan kenê û seba ke prosesê vîrusê Korona de miqatê heywanan bibê ameyî pêser. Demîrî vat: ”Ma goreyê hedefanê ma komêke awan kerde. Ma Dêrsim de qazanan nanê ro û werd danê pisîng û kutikan. Seba bocîyan zî ma cayanê mendişî virazenê.”
Demîrî venga şarî de ke nê hewayê germî de seba heywananê teberî nan û awe bêrê dayene. DÊRSIM
