Ame îdîakerdene ke dima ke testê Vîrusê Korona yê Şaredarê Dêrsimî Maçogluyî pozîtîf vejîya xebatkaranê şaredarîye û şarî rê testê Vîrusê Korona nêame kerdene.
Hemwelatî û xebatkaran rê ke tede nîşaneyê Vîrusê Korona estê, têna tomografî û testê gonî ameyî kerdene.
Xebera ”Dêrsim de vîrus çin o” û ameyîşê 600 kesan ra dima hemwelatîyî zî zaf qerqilîyenê. Hemwelatîyan rê ke hamnan de şaristananê bînan ra ameyî, testê Vîrusê Korona nêno kerdene.
Hemwelatîyê ke şîyî nêweşxane zî pê vatişê ”Xo bigêrê karantîna” erşawîyayî keyeyanê xo. Selahîyetdaran hema zî derheqê babete de eşkerayîyêke nêkerde.
Şaredarê Dêrsimî Fatîh Mehmet Maçogluyî twitterî ra da zanayene ke testê ey ê Vîrusê Korona pozîtîf vejîya. DÊRSIM
