Dêrsim de çarçewa pêşnîyazanê Heyetê Pandemîye de vera Vîrusê Korona tedbîrê neweyî ameyî girewtene.
Tedbîrî pê eşkerayîyêke ameyî parekerdene. Goreyê eşkerayîye tedbîrê ke do heta 15ê gulane dewam bikerê tay winayê:
* Wesayîtî bi kontrolî bivejîyê trafîkî û dekewtiş û vejîyayîşê qezayan ameyî qedexekerdene.
* Personelê zîndanî meymanxane de bigêrîyê binê îzolasyonî.
* Wezîfedarê umûmîye do nêvejîyê teberê şaristanî.
* Ferîbotê Pêrtagî û Çemişgezekî rojêke de seba Xarpêtî têna 2 seferan bikerê.
* Bê kesanê ke maskeyan derzenê karkerê kargehî do nêxebitê.
* Heme turê turzîmî yê ke yenê Dêrsimî û wesayîtê komresî yê mabanê qezayan û bajarî ameyî vindarnayene.
* Dezgeh û sazgehan de îkramê çay û meşrubatî û fitarê komkerdeyî ameyî wedaritene.
Dîya zanayene ke kesê ke goreyê tedbîran tênêgêrê înan rê qasê 392 TLyî cezaya pereyî do bêra dayene. DÊRSIM
