Rêxistina Partîya Sosyalîstanê Bindeste (ESP) ya Dêrsimî vera zordayîşê ajanîye Şubeyê ÎHDyî yê Dêrismî de eşkerayîye daye. Rêxistina Partîya Demokratîke ya Şaran (HDP) ya Bajarî, îdarekarê Komeleya Heqê Merdiman (ÎHD) û Hemşaredarê Pêrî Orhan Çelebî yo ke herinda ci de qeyûm ame cakerdene tewrê eşkerayîye bîyî.
Eşkerayîye de ame vîrardene ke vera ESP, SGDF, HDP û hezanê şorişgêran hêrişî zêdîyayî û ame vatene ke serê Kurdîstan xeylêk bajaran de ciwanan û cinîyan ra yeno waştene ke ajanîye bikerê. Endamê Federasyonê Ciwanan ê Sosyalîstan (SGDF) Cengî Fîdanî ke eşkerayîye de qisey kerd bale ante xoverdayîşê şaran ser û vat: ”Senî ke ma vera hêrişê destbendkerdiş û tepiştişî vejîyenê kuçeyan ma do vera hêrişanê şima yê înkar û îmhayî zî bi mucadeleyî cewab bidê.”
Serekê Baroyê Dêrsimî Kenan Çetînî zî waşt kamî/e rê semedê ajanîye zext bêro kerdene wa muracatê înan bikerê. DÊRSIM
