Platformê Demokrasî û Kede yê Dêrsimî vera talanê xoza 8ê teşrîna verêne de Meydanê Seyîd Rizayî de, bi şîarê ‘Ma do ser bikewê, ma waranê cuye pawenê’ do mîtîngêkî bikero.
Platformî derheqê mîtîngî de eşkerayîyêke daye û vist vîrî ke Dêrsim binê tehlukeyê qirkerdişê daristanan û madenan de yo. Platformê Demokrasî û Kede îfade kerd ke sere de Koyê Munzurî pêro cayê Dêrsimî dîyayê şîrketan.
Platformî pare kerd ke mîtîngê vera talanê xoza 8ê teşrîna verêne de, saete 13.30 de, Meydanê Seyîd Rizayî de bêro kerdene û venga her kesî da ke wa tewrê mîtîngî bibo. DÊRSIM
