Dêrsim de nebatan deşt û zozanan xemilna. Galûrî aşmanê Adar û Nîsane de zergun benî û peynîya aşma Hezîrane de zî pelçiqîyenî. Nika wextê înan yê xatirwaştişî yo û êdî hêdî hêdî pelçiqîyenî
Dêrsimo ke bi floryaya xo yê nebatî yeno zanayene, bi xozayê xo merdiman heyr û şaş vera dano. Xozaya Dêrsimî her demserrêk de xemilîyena rindîyêka cîya. Herême de teberê galûre de zembeqe, vilika Newroze, sungî, hêlige û hîna xeylî nebatî resenê. Goreyê cigêrayîşê merdimanê zanyaran Tirkîye de 13 hezar tewirê nebatan estî û înan ra 3 hezarê ci ra zêde nebatê endemîk î. Floryaya Dêrsimî de zî hezar û 600 nebatî estî û înan ra 293ê ci nebatê endemîk î. Galûra ke ci ra ‘veyva ke berbena’ û ‘vilika huzinî’ zî yena vatene Dêrsim de mîyanê nebatanê ke yenê pawitene de ca gêna. Galûrî hîna zêde koyanê Dêrsimî de resenê û teberê Dêrsimî de bajarê Colemêrgî de û tayê herêmanê bînan de zî resenê.
Galûra ke quntarê koyanê Dêrsimî de zergun bena rindîyêka zêde û cîya dana xozaya bajêr. Galûre aşmanê Adar û Nîsane de zergun bena û peynîya aşma Hezîrane de zî pelçiqîyena. Nika wextê înan yê xatirwaştişî yo û êdî hêdî hêdî pelçiqîyenî.
Xozahes Haydar Çetînkaya bale ant muhîmî û manaya galureyan ser û dîyar kerd ke Dêrsim de galurê ke zaf nînê vînayene estî û wina va: “Herême de galurî sey ‘vilikê huzunî’ zî yenî binamekerdene. Galurî bajaranê herême de zî zergun benî. Yew galure de nizdîyê 7 gulî akenî û galure bawerîya elewî û xirîstîyanan de vililêka bimbarek a. Galurî nika ver bi çinbîyayîş de yî û ganî bêrî pawitene.” DÊRSIM
