Vera xespkerdişê Şaredarîya Peyî ya Partîya Demokratîke ya Şaran (HDP) çalakîya roniştişî vizêr roja 4ine de dewam kerde. Hemşaredaranê Perî vat şar na derbe qebul nêkeno û wayîrê îradeyê xo vejîyeno
Bajarekê Perî yê pabesteyê Qezaya Mazgêrtî ya Dêrsimî de çalakîya roniştişî ya vera qeyûmî vizêr roja 4ine de ameye domnayene.
Çalakîya ke vera xespkerdişê îradeyî ameya destpêkerdene de vizêr reyna hemşaredarî Orhan Çelebî û Songule Dogan yê ke herinda înan de qeyûm ameyo tayînkerdene, endamê şaredarî û şar ameyî pêser. Hemşaredaranê ke taxan ra gêrayî û şar zîyaret kerd vat şar na derbe qebul nêkeno û wayîr îradeyê xo vejîyeno. DÊRSIM
