Îzmîr de aktîvîteya tradîsyonkîye ya 26. ya pîknîkî ya dêrsimijan ameye kerdene. Pîknîk de bale ameye antene polîtîkayanê qirkerdiş û asîmîlasyonî yê vera ziwan, kultur û xozaya Dêrsimî ser û semedê wayîrvejîyayîşê ziwan û ercanê Dêrsimî ame vengdayene.
Aktîvîte de cinîyan ê Komelayanê Dêrsimî û Komeleyanê Elewîyan ê Demokratîkan sîysetmedara kurde Aysel Dogana ke 11ê gulane de şîye heqîya xo, yad kerde.
Cayê yadkerdişî de fotografê Dogane ke ser o vateyê ci yê “Ez cinî ya, kurd a, kizilbaş a, elewî ya! Eke o zî nêvejeno ez dêrsimij a” nuştebi ama daliqnayene. Cinîyan mûmî tafînayî, loqmayî vila kerdî û qalê têkoşînê Aysel Dogan kerd. ÎZMÎR
