Dezgehê Îstatîstîkî yê Tirkîya (TUÎK) raporê xo yê serra 2019î eşkera kerd. Goreyê dayenanê TUÎKî yê 2019î Dêrsim şaristananê tewr xizanan ra yew o. Dêrsimijan derheqê babete de qisey kerdî û veng dayî hukmatî ke wa paştî bido Dêrsim.
Dêrsimijan Kamer Bulutî qiseykerdişê xo de dîyar kerd ke çew paştî nêdano înan û ciwanî bêkar ê. Bulutî veng da dewlete ke dest bida înan
Dima ra Haskare Bulute qisey kerde û aye zî vat mêrdeyê aye teqawut biyo û coka ê nêeşkenê xo bidevirnê û domanê înan miqatê înan benê.
Suleyman Aytaçî qiseykerdişê xo de bale ant ekonomî û rewşa esnafan ser o û vat: ”Dêrsim de ekonomî çin a. Paştî nêdîyeno esnaf û citkaran. Şaristanê ma binê tesîrê nê krîzî de maneno.”
Haydar Aslanî da zanayene ke her çî vaye bîyo û dewlete budçe nêdana esnafan û wina vat: ”Her çi zaf vay o, ma nêeşkenê çîyêk bihêrînê. Dewlete budçe nêdana ma.”
Dîlan Argine qala rewşa ciwanan û îstîhdamî kerde û vat: ”Ciwanî nêwazenê tîya de bimanê. Dewlete zî tîya de warê îstîhdamî anêkena. Fabrîkayî çin ê. Coka ciwanê ma şinê.”
Esnafanê Dêrsimî ra tewr peynî Sezaî Yildizî qisey kerd û aye zî wina vat: ”Esnafê ma sîftah nêkenê. Dewlete vera esnafan ra vergî gêna. Tîya de ne fabrîka esta ne zî merkezê berardişî esto.” DÊRSIM
