Serekê CHPyî yê Dêrsimî Îbrahîm Çîçekî bale ant birnayîşê cereyanî yê Dêrsimî ser û va: “Bajar de birnayîşê cereyanî tesîrêko negatîf cuya rojane yê heme kesan ser de keno. Ma wazenê arizeya cereyanî bi hawayo lez bêra çareserkerdiş.”
Rêxistinê Partîya Şaran ya Komerî (CHP) yê Dêrsimî derheqê birnayîşê cereyanê qezayanê Dêrsimî de Raşteyê Sanatî de îzehetêk da çapemenî. Serekê CHPyî yê Dêrsimî Yilmaz Çelîkî îzehet de qisey kerd û wina va: “Nizdîyê 10 rojî yo ke Dêrsim de cereyan yeno birnayîş. Birnayîşê cereyanî vera cuya rojane yê hemwelatîyan de problemî yenî cuyayîş. No birnayîşê cereyanî beno sebebê zirarêko madî. 20 serrî verê her çiqas ke 3-4 mîtro vewre erde de bibo zî ti problemêk winasî yê birnayîşê cereyanî çin bî.”
Çelîkî qiseykerdişê xo yê peyênan de zî înan ard ziwan ser: “Birnayîşê cereyanî komel de beno sebebê problemanê cîdî. Bi bacê şarî, ganî xizmet bidîyo şarî. Birnayîşê cereyanî tena girêdayeyê şert û mercê zimistanî nîyo. No nîno qebulkerdiş. Eke no gure teslîmê fîrmayanê zana bibayêne do wina nêbayêne. La wina nêbî û teslîmê fîrmayanê hetgir û bêtecrubeyan ame kerdiş. Ganî zemê cereyanî zî bêrî kêmîkerdiş.” DÊRSIM
