Qezaya Pulurî ya Dêrsimî de seba fînansmanê tesîsê awguznayîşî 36 sazîyî ameyî têhet û komîsyon awan kerdî. Şaredar Mustafa Sarigul waşt ke seba xoza û awe piştî bidîyo proje
Qezaya Pulurî ya Dêrsimî de seba ke tesîsê awguznayîşî çin o, awa lêşîn herîkîyena mîyanê Royê Mûnzûrî. Badê vengdayîşê rêxistinanê sivîlan û hemwelatijan Şaredarîya Pulurî kewte mîyanê hewldayîşan. Seba ke tesîsê awguznayîşî ke malîyetê ci 8-10 mîlyonî yo bêro viraştene, butçeya şaredarî mird nêkena. Cok ra bi serkêşîya şaredarî partîyê sîyasî, rêxistinê komelkî yê sivîl û şaredarîyê qeza zî tede 36 sazîyî arê bîyî.
Temsîlkarê sazîyan seba viraştişê tesîsê awguznayîşî komîsyon awan kerdî. Komîsyon do sere de derheqê muhîmîya Parka Mîllî ya Gelîyê Mûnzûrî û çinbîyayîşê tesîsê awguznayîşî de raporêk amade bikero. Rapor do Anqara rê partîyê sîyasî, Wezîrîya Dorme û Şaristanî û Konseyê Ewropa rê bêro erşawitene.
Şaredarê Pulurî Mustafa Sarigulî derheqê babete de va. “Munzur seba ma bimbarek o. Weçînayîş ra ver ma soz dabî ke eke ma bêrî weçînayene, ma do tesîsê awguznayîşî virazî. Munzur de awa tewr bi kalîte ya dinya herîkîyena. Awa Munzurî seba ma bimbarek a. Cok ra ganî tesilî tesîsêk bêro viraştene.” DÊRSIM
